عا زِنْدَك المَتِينعا زِنْدَك المَتِين بلادَك قامِت
كَدَّيت وانذَلَّيت
ما احتَجَّيت يا شعبي
طالِت السنين وحَربَك طالِت
كفّيت وتفانَيت
كل شي اعْطَيت يا شعبي
يا شعبي يا وَلَد النار
شو بقلَّك بَعد اللي صار
شو ناطِر شو ناطِر
شو بَعدَك ناطِر يا شعبي
يا شعبي عَلَّموك
عِملوا كتابَك
لبنان شي للشرق
شي للغرب يا شعبي
هنّي قسَّموك فوق تْرابَك
ورْبيت إنت لَون
خَيّك لون وتخَبّي
يا شعبي بيكفّي التار
يللي ماتوا صاروا كتار
شو ناطر شو ناطر
تتوحِّد شعبَك يا شعبي
شو ناطر يا شعبي
شو ناطر تا تسمع
تا ترجِّع تاريخك
تاريخَك ما بيرْجَع
أتعابك سرقوها باعوها
وصار لازم
تِحكُم إنتْ يا شعبي
زياد الحباني
الأخبار - العدد ٢٤٢٠
الخميس ١٦ تشرين الأول ٢٠١٤
